«Տիտանիկի» մոտ անհետացած սուզանավի որոնումների մասին ֆիլմ է նկարահանվել

Բրիտանական Channel 5 հեռուստաալիքի ներկայացուցիչները հայտնել են, որ մտադիր են վավերագրական ֆիլմ ցուցադրել Ատլանտյան օվկիանոսում անհետացած սուզանավի որոնման մասին։

Variety-ի փոխանցմամբ՝ լրագրողներն արդեն սկսել են աշխատել կինոնախագծի վրա։ Նշվում է, որ հեղինակները մտածում են «Տիտանիկի» բեկորների մոտ փրկարարական գործողության մասին հետաքրքիր տեղեկություններով հագեցած դրամատիկ պատմություն ստեղծելու մասին։

Հրատարակության տվյալներով՝ ֆիլմում կպատմեն սուզանավում գտնվող միլիարդատերերի, ինչպես նաև նրանց ճանապարհորդության մասին։

Հեռուստադիտողները կիմանան, թե ինչու են այս մարդիկ հետաքրքրված եղել «Տիտանիկի» պատմությամբ։ Հոդվածում ասվում է, որ նախատեսվում է նկարահանումներին ներգրավել փորձագետների, ովքեր կխոսեն էքստրեմալ տուրիզմի մասին։

Երկուշաբթի՝ հունիսի 19-ին, OceanGate-ի աշխատակիցները հաստատել են Ատլանտյան օվկիանոսում սուզվող «Տիտանի» անհետանալու մասին տեղեկությունը։ Սուզանավում հինգ մարդ է եղել, նրանց դեռ չեն գտել։