Մեր անելիքը պետք է լինի դեպի Արցախ տանող դուռը մեկընդմիշտ բացելը․ Արման Վարդանյանի շնորհավորական ուղերձն Արցախի Հանրապետության օրվա առթիվ
Հայաստան
Գ. Վ. Պլեխանովի անվան Ռուսաստանի տնտեսագիտական համալսարանի երևանյան մասնաճյուղի հոգաբարձուների խորհրդի նախագահ, «Միասնություն» շարժման հիմնադիր Արման Վարդանյանը շնորհավորական ուղերձ է հղել Արցախի Հանրապետության օրվա առթիվ։
«Շնորհավոր Արցախի Հանրապետության օրը:
Հայրենիքը 265 օր շրջափակման մեջ է: Ծանրագույն իրավիճակը, որում հայտնվել է Արցախը, շատ ավելի լուրջ է, քան 30 տարի առաջ:
Ժամանակն է՝ պատմական իրողությունները վերագնահատելու և հանուն Արցախի լրջագույն որոշումներ կայացնելու: Մեր անելիքը պետք է լինի համախմբվելը ու դեպի Արցախ տանող դուռը մեկընդմիշտ բացելը, քանի որ պաշարման պայմաններում, երբ ծանր դրության մեջ հայտնված արցախցուն հակադրվում է միջազգային հանրության լռությունը, այլ ելք չի մնում:
Այսօր, առավել քան երբևէ, կանգնած ենք պետականության պահպանման խնդրի առաջ, հետևաբար յուրաքանչյուրս պետք է գիտակցի իր բաժին պատասխանատվությունը ու գործուն քայլեր ձեռնարկի»,– իր ֆեյսբուքյան էջում գրել է Վարդանյանը։
Ամենադիտված 
Ալիևը վերահաստատել է՝ Թուրքիայի հետ միասին չեն պատրաստվում հանդուրժել ՀՀ-ի գոյությունը որպես պետություն. թյուրքագետ
