Վիրավորներից մեկի վիճակը գնահատվում է ծայրահեղ ծանր, կայուն. ՀՀ ՊՆ

Սեպտեմբերի 1-ին՝ ժամը 07:50-ից, ադրբեջանական զինուժը ինտենսիվ կրակ էր բացել Սոթքի և Նորաբակի շրջաններում տեղակայված հայկական դիրքերի ուղղությամբ։ Հայկական կողմից հրետակոծության արդյունքում զոհվել է 2, վիրավորվել 1 զինծառայող։

ԼՈՒՐԵՐ.com-ի հետ զրույցում ՀՀ ՊՆ մամուլի քարտուղար Արամ Թորոսյանը ասաց, որ Նարեկ Պողոսյանի վիճակը դեռևս գնահատվում է ծայրահեղ ծանր, կայուն:

«Մյուս վիրավորի վիճակը՝ միջին ծանրության է, այս պահին կյանքին վտանգ չի սպառնում: Վիրավորները գտնվում են հոսպիտալի բուժանձնակազմի հսկողության տակ»,-ասաց նա։

 

Նշենք, որ ավելի վաղ զինծառայող Նարեկ Պողոսյանը, ում սրտի աշխատանքը վերականգնվել էր բժիշկների ինտենսիվ վերակենդանացման միջամտությունների արդյունքում, բարեհաջող ենթարկվել էր համալիր վիրաբուժական միջամտության։ Զինծառայողի վիճակը գնահատվում էր ծայրահեղ ծանր։