Ռուսաստանը մտադիր չէ հեռանալ տարածաշրջանից. Մոսկվան դժգոհ է Փաշինյանի հայտարարություններից

«Հայաստանի վարչապետ Նիկոլ Փաշինյանի հայտարարությունները Ռուսաստանի մասին իտալական լրատվամիջոցներին տված հարցազրույցում անընդունելի են. Մոսկվայում ծայրահեղ դժգոհ են»։ Այս մասին ՏԱՍՍ-ին հայտնել է դիվանագիտական ​​աղբյուրը։

«Մոսկվան չափազանց դժգոհ է Հայաստանի ղեկավարության վերջին հրապարակային հայտարարություններից, այդ թվում՝ Հայաստանի վարչապետի հայտարարություններից իտալական La Repubblica թերթին տված հարցազրույցում և օգոստոսի 31-ին ՀՀ ԱԳՆ-ի մեկնաբանությունից։ Դրանք Մոսկվայում անընդունելի են համարում»,- ասել է աղբյուրը։

«Մասնավորապես, Հայաստանի վարչապետը հայտարարել է Ռուսաստանի Դաշնության՝ տարածաշրջանից հեռանալու հավանականության մասին։ «Փաստորեն նրանք փորձում են արհեստականորեն դուրս մղել Ռուսաստանին Հարավային Կովկասից՝ օգտագործելով Երևանը՝ որպես այդ նպատակին հասնելու միջոց։ Ռուսաստանը, որպես Հայաստանի ամենամոտ հարևան և բարեկամ, մտադիր չէ հեռանալ տարածաշրջանից։ Սակայն դա պետք է լինի երկկողմանի՝ Հայաստանը նույնպես չպետք է դառնա Արևմուտքի գործիքը»,- նշել է դիվանագիտական ​​աղբյուրը»,-գրում է ՏԱՍՍ-ը։

Նա հավելել է, որ Ռուսաստանը Հայաստանի հետ հարաբերություններն անվտանգության և տնտեսության ոլորտներում դիտարկում է «ոչ թե որպես մի երկրի կախվածություն մյուսից, այլ որպես հավասար, փոխշահավետ և ապացուցված գործընկերություն»։