Համոզված եղեք, կվերադառնամ. Նեյմար

Սաուդյան Արաբիայի «Ալ-Հիլալի» հարձակվող Նեյմարը հայտնել է, թե որ ակումբում կցանկանար հանդես գալ «Ալ-Հիլալի» հետ պայմանագրի ավարտից հետո: Նրա խոսքերը փոխանցում է Globo Esporte-ն։

«Ակնհայտ է, որ ցանկանում եմ կրկին խաղալ «Սանթոսում»: Չգիտեմ՝ երբ դա տեղի կունենա, բայց համոզված եղեք, ես կվերադառնամ»,- ասել է Նեյմարը։

Նեյմարը «Սանթոսում» հանդես է եկել 2009-2013 թվականներին: Բրազիլիայի Պրեմիեր լիգայում նա անցկացրել է 102 հանդիպում, որոնցում կարողացել է դառնալ 54 գոլի և մեկ գոլային փոխանցման հեղինակ։

Նեյմարը Սաուդյան Արաբիայի «Ալ-Հիլալ» է տեղափոխվել 2023 թվականի ամառային տրանսֆերային պատուհանի ժամանակ։ Ինչպես հաղորդում է Transfermarkt-ը, սաուդյան ակումբը բրազիլացի հարձակվողին ձեռք է բերել օգոստոսի 15-ին՝ 90 միլիոն եվրոյով:

Նախորդ մրցաշրջանում Նեյմարը «Պարի Սեն Ժերմենի» կազմում անցկացրել է 20 հանդիպում՝ դառնալով 13 գոլի և 11 գոլային փոխանցման հեղինակ: Փարիզյան ակումբը դարձավ Ֆրանսիայի չեմպիոն։

31-ամյա հարձակվողը «Բարսելոնայում» հանդես է եկել նաև 2013-2017 թվականներին։ Դա բրազիլացու համար առաջին ակումբն էր հայրենական ակումբից հետո:

Այս թեմայով Պետք է մեկնեմ Բուխարեստ՝ պաշտպանելու պետական շահը, հետո կվերադառնամ «Նուբարաշեն» ՔԿՀ-ի իմ խուց․ Աշոտյան Նեյմարը տեղափոխվել է «Ալ-Հիլալ» «Ժողովուրդ». Որոշ ժամանակ անց կվերադառնամ Հայաստան. ԵՄ պատվիրակության ղեկավար Վիկտորին Նեյմարը հրապարակավ ներողություն է խնդրել հղի ընկերուհուց դավաճանության համար «Կարող էիր գումարը նվիրաբերել բարեգործությանը». Նեյմարը 1 միլիոն եվրո է կորցրել և լացել (տեսանյութ)