Տարիքի հետ ավելի իմաստուն եմ դառնում. Բայդեն

ԱՄՆ նախագահ Ջո Բայդենը հայտարարել է, որ տարիքի հետ միայն ավելի իմաստուն է դառնում։

«Ինչ-որ մեկն ասել է. «Գիտե՞ք ինչ, Բայդենը ծերանում է»: Սակայն միակ բանը, որ գալիս է տարիքի հետ, իմաստությունն է», - ասել է ԱՄՆ 80-ամյա նախագահը Սպիտակ տանն Աշխատանքի օրվան նվիրված ելույթում:

Նա նաև նշել է, որ ինքը բոլորից ավելի երկար է կատարել իր գործը և կշարունակի դա անել ամերիկացիների օգնությամբ։

Իր ելույթի ժամանակ Բայդենը քննադատել է նաև նախկին նախագահ Դոնալդ Թրամփի քաղաքականությունը՝ նշելով, որ նրանից հետո ԱՄՆ-ում 3 միլիոնով ավելի աշխատատեղ է եղել, քան իր ընտրվելուց առաջ։

Նույն օրը հարցումը ցույց է տվել, որ ամերիկացի ընտրողների մեծամասնությունը ԱՄՆ գործող նախագահ Ջո Բայդենին շատ ծեր է համարում երկրորդ ժամկետի համար առաջադրվելու համար։ Բացի այդ, հարցվածների մեծամասնությունը քննադատում է նրա գործունեությունը ինչպես ներքին, այնպես էլ արտաքին քաղաքականության մեջ։

Ջո Բայդենը ԱՄՆ պատմության ամենատարեց նախագահն է։ Նա հաճախ է մոռանում անունները և տարբեր վրիպակներ թույլ տալիս ելույթների ժամանակ, ինչը քննարկման առարկա է դառնում ամերիկացիների շրջանում։

Այս ամենը հանգեցնում է նրան, որ ամերիկացիները սկսում են կասկածի տակ դնել Բայդենի առողջական վիճակը։