Ի՞նչ «բոնուս» է խոստացել Արևմուտքը. «Փաստ»
Հայկական Մամուլ
«Փաստ» օրաթերթը գրում է.
Առիթ ունեցել ենք նշել, որ, մեր տեղեկություններով, Արևմուտքը պահանջ է դրել Նիկոլ Փաշինյանի առջև՝ երկրի ներսում ստանալ հավել յալ լեգիտիմություն՝ «խաղաղության պայմանագիրն» անխոչընդոտ ստորագրելու համար: Թե՛ Նիկոլ Փաշինյանը, թե՛ եվրոպացի ու ամերիկացի պաշտոնյաները հիանալի հասկանում են, որ Ադրբեջանի հետ, մեղմ ասած, ոչ հայանպաստ ցանկացած թղթի ստորագրում կարող է դառնալ ական Նիկոլ Փաշինյանի տակ:
Ուստի, Փաշինյանի գործողություններին լեգիտիմություն հաղորդելու և անկանխատեսելի հետևանքներից հնարավորինս խուսափելու համար, մեր դիվանագիտական աղբյուրի փոխանցմամբ, Արևմուտքից պատրաստակամություն են հայտնել՝ ամեն կերպ աջակցել Նիկոլ Փաշինյանին՝ նրան որոշակի քաղաքական «բոնուս» տրամադրելով:
Կա՛մ արտահերթ ընտրություններով, կա՛մ, ինչպես Նիկոլ Փաշինյանն է ցանկանում, նոր Սահմանադրության հանրաքվեի միջոցով վստահության «պաշար» ստանալու համար Արևմուտքը պատրաստ է արագացնել ԵՄ-ի հետ վիզաների ազատականացման բանակցություններն ու հնարավորինս կարճ ժամկետում լուծել այդ հարցը: Մյուս բոնուսն, ըստ մեր աղբյուրի, կարող է լինել Արևմուտքի կողմից բավականին լուրջ գումարների տրամադրումը Արցախից բռնի տեղահանվածների խնդիրները լուծելու նպատակով:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
