Պետդումայում առաջարկել են արտաքսել ՌԴ քաղաքացիների նկատմամբ ոտնձգություններ կատարած միգրանտներին

ՌԴ Պետդումայի փոխխոսնակ և նախագահի թեկնածու Վլադիսլավ Դավանկովը խորհրդարանի ստորին պալատ է ներկայացրել ՌԴ քաղաքացիներ նկատմամբ ոտնձգությունների համար միգրանտներին արտաքսելու մասին օրենքի նախագիծը, հաղորդում է ՌԻԱ Նովոստին։

Դավանկովն առաջարկել է քննարկել օրինագիծը՝ չնայած նախարարների կաբինետի բացասական արձագանքներին։ Փաստաթուղթը նախատեսում է օտարերկրացիների արտաքսում, ովքեր դատապարտվել են մարդկանց նկատմամբ վիրավորական ոտնձգությունների համար։ Դա կապահովի ռուսաստանցիների անվտանգությունը և կնվազեցնի սոցիալական լարվածությունը, կարծում է նախաձեռնության հեղինակը։

Պետդումայի փոխխոսնակը նշել է, որ բողոքներ է ստանում միգրանտների կողմից ոտնձգությունների վերաբերյալ, հատկապես տաք սեզոնին, երբ աղջիկները բաց հագուստ են կրում։