Ադրբեջանի արձագանքը հայկական կողմից արձակված կրակին անհամարժեք էր. Բորել
Արտաքին Քաղաքական
Ադրբեջանական զինծառայողների ուղղությամբ հայկական կողմի կրակոցները ցավալի էին, բայց ադրբեջանական կողմի պատասխանն էլ անհամաչափ էր։ Այս մասին ասել է Եվրամիության արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը՝ ՀՀ ԱԳ նախարար Արարատ Միրզոյանի հետ համատեղ ասուլիսի ժամանակ։
«Ադրբեջանի արձագանքը հայկական կողմից արձակված կրակոցին անհամարժեք է` անտեսելով ՀՀ ԱԳՆ հայտարարությունը, որ միջադեպը հետաքննվելու է։ Սա կրկին ցույց է տալիս զորքերը հեռացնելու հրատապ անհրաժեշտությունը, ինչը ԵՄ-ն պնդում է երկար ժամանակ»,- ասել է Բորելը։
Նա ընդգծել է երկարաժամկետ խաղաղության վերաբերյալ ԵՄ–ի հանձնառությունը՝ երկրների ինքնիշխանության, սահմանների անխախտելիության և տարածքային ամբողջականության փոխադարձ ճանաչման հիման վրա։
Ըստ ԵՄ պաշտոնյայի՝ ՀՀ-ում ԵՄ առաքելության կարողությունները վերջերս ավելացվել են՝ առաջին հերթին քանակի տեսանկյունից։
ՈՒՂԻՂ ԵԹԵՐ
Ամենադիտված 
Նազենի Հովհաննիսյանը՝ գեղեցիկ կարգավիճակում (տեսանյութ)
