«Ռոսպոտրեբնադզորն» ուժեղացրել է «Ջերմուկ» հանքային ջրի նկատմամբ վերահսկողությունը․ ՏԱՍՍ

«Ռոսպոտրեբնադզոր»-ը խնդրում է քաղաքացիներին տեղեկացնել տարածքային իշխանություններին ջրի ռեալիզացիայի փաստի բացահայտման դեպքում, լրագրողներին հայտնեցին գործակալության մամուլի ծառայությունից, հաղորդում է ՏԱՍՍ–ը։

«Ռոսպոտրեբնադզոր»–ից քաղաքացիներին, մասնավորապես, կոչ են անում տարածքային մարմիններին տեղեկացնել այն առևտրային կետերի և կայքերի մասին, որտեղ գրանցվում են 28.12.2023 թ. արտադրության ամսաթվով 0,5 լիտր ծավալով ապակե տարայով «Ջերմուկի» իրացման դեպքեր: 

Նշվում է, որ ներկայումս կասեցված է առանձին խմբաքանակների շուրջ 2,5 մլն շիշ հանքային ջրի վաճառքը։ 

««Ռոսպոտրեբնադզորի» աշխատակիցներն ուժեղացրել են վերահսկողությունը «Ջերմուկ» հանքային ջրի նկատմամբ մանրածախ առևտրի կետերում և հանրային սննդի օբյեկտներում, ձեռնարկվել են բոլոր միջոցները՝ քաղաքացիների կյանքին և առողջությանը վնաս չպատճառելու համար», - ընդգծել են մամուլի ծառայությունից։

Հիշեցնենք՝ ավելի վաղ հայտնի դարձավ՝ «Ռոսպոտրեբնադզորը» դադարեցնում է «Ջերմուկ» ապրանքանիշի հանքային ջրի որոշակի խմբաքանակների վաճառքը՝ անվտանգության ստուգման նպատակով։ 

Հանքային ջրի ամբողջ խմբաքանակը ՌԴ-ում փորձաքննության է ուղարկվել։ Ի պատասխան «Ռոսպոտրեբնադզորին»՝ «Ջերմուկ Գրուպ» ՓԲԸ-ից պատասխանել են, որ հանքային ջրի արտադրության մեջ քացախաթթու չի օգտագործվում։