Կրեմլում հայտնել են, որ հատուկ ռազմական գործողությունը կարող է ձգձգվել

ՌԴ նախագահի մամուլի քարտուղար Դմիտրի Պեսկովը հայտարարել է, որ Արևմուտքը՝ Միացյալ Նահանգների գլխավորությամբ, ուղղակիորեն ներգրավված է Ուկրաինայի հակամարտության մեջ, ինչը կարող է ձգձգել հատուկ ռազմական գործողությունը: Նրա խոսքերը մեջբերում է ՏԱՍՍ-ը։

«Հատուկ ռազմական գործողությունն սկսվեց Ուկրաինայի դեմ։ Ժամանակի ընթացքում այն ​​ստացավ կոլեկտիվ Արեւմուտքի դեմ պատերազմի տեսք»,- ասել է նա:

Նրա խոսքով՝ Վաշինգտոնի գլխավորած արեւմտյան երկրներն անմիջականորեն ներգրավված են հակամարտության մեջ։

«Այո, դա կարող է հանգեցնել նրան, որ գործողությունը փոքր–ինչ ավելի երկար տեւի, բայց դա չի կարող փոխել իրերի ընթացքը»,- նշել է Կրեմլի ներկայացուցիչը։

Նա հավելել է, որ հատուկ ռազմական գործողությունը կշարունակվի մինչև առաջադրված բոլոր խնդիրներին հասնելը։