Միշուստինը հեռախոսազրույց է ունեցել Ադրբեջանի վարչապետի հետ

ՌԴ վարչապետ Միխայիլ Միշուստինը հեռախոսազրույց է ունեցել Ադրբեջանի վարչապետ Ալի Ասադովի հետ, հայտնում են ՌԴ ԱԳՆ–ից։

Միշուստինը շնորհավորել է Ալի Ասադովին՝ Ադրբեջանի կառավարության ղեկավարի պաշտոնում նշանակվելու կապակցությամբ։

Զրույցի ընթացքում կառավարությունների ղեկավարները նշել են ռուս-ադրբեջանական համագործակցության հետագա ամրապնդման կարևորությունը առևտրատնտեսական, գիտական, տեխնիկական, մշակութային և հումանիտար ոլորտներում։

Միխայիլ Միշուստինը և Ալի Ասադովը քննարկել են նաև տարբեր ոլորտներում համատեղ խոշոր նախագծերի իրականացման ընթացքը։