Ադրբեջանի ԶՈւ ԳՇ պետն այցելել է Արցախում տեղակայված զորամասեր, տվել հանձնարարականներ

Ադրբեջանի ԶՈւ գլխավոր շտաբի պետ Քերիմ Վելիևը, ցամաքային զորքերի հրամանատար, գեներալ-լեյտենանտ Հիքմեթ Միրզոևը և նախարարության այլ բարձրաստիճան պաշտոնյաներ այցելել են Արցախի օկուպացված տարածքներում տեղակայված մի շարք զորամասեր, հայտնում են ադրբեջանական լրատվամիջոցները։

Այնտեղ հրամանատարաշտաբային վարժանքներ են անցկացվում զորահավաքային ռեզերվների ներգրավմամբ։

Վելիևն այցելել է նաև հրթիռային և հրետանային ուժերի զորամասեր։

Ադրբեջանի գլխավոր շտաբի պետը հրամանատարական կազմին է ներկայացրել Ադրբեջանի նախագահի կողմից ադրբեջանական բանակի առջեւ դրված խնդիրները, տվել համապատասխան հանձնարարականներ դրանց կատարման համար։