Իսպանիայում սպանվել է ռուսական ուղղաթիռ առևանգած օդաչուն
Աշխարհ
Օդաչու Մաքսիմ Կուզմինովը, ով Ուկրաինայի զինված ուժերի համար առևանգել էր ռուսական ռազմական Մի-8 ուղղաթիռը, մահացած է հայտնաբերվել Իսպանիայում։ Այս մասին հայտնում է ՏԱՍՍ-ը։
Նախնական տվյալներով՝ 33-ամյա զինվորականի դին հայտնաբերվել է ավտոտնակում՝ հրազենային վնասվածքներով։ Իսպանիայի Քաղաքացիական գվարդիայի աղբյուրները հայտնել են, որ ռուսաստանցին վերջերս թմրանյութերի և ալկոհոլի հետ կապված խնդիրներ է ունեցել։
«Օտարերկրացին իրեն ոչ ադեկվատ էր պահում, հաճախ գոռում էր, հարբած զազրախոսում էր և բազմաթիվ պատմություններ պատմում իր անցյալի և ներկա կյանքի մասին», - մեջբերում է գործակալությունը Կուզմինովի իսպանացի հարևաններին:
2023 թվականի սեպտեմբերին հայտնի դարձավ, որ Կուզմինովը Կուրսկի շրջանից գողացել է Մի-8 ռազմական ուղղաթիռը և դրանով մեկնել Ուկրաինայի տարածք։ Դեպքը, ենթադրաբար, տեղի է ունեցել օգոստոսի սկզբին։ Կուզմինովը տեխնիկան գողանալու առաջարկ է ստացել Ուկրաինայի պաշտպանության նախարարության գլխավոր հետախուզական վարչությունից։
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
