Վրաստանում կոչ են արել ԵԽԽՎ-ին վերանայել Ադրբեջանի պատվիրակությանը վտարելու որոշումը

Եվրոպայի խորհրդի խորհրդարանական վեհաժողովում (ԵԽԽՎ) Վրաստանի խորհրդարանի պատվիրակության ղեկավար Գիվի Միկանաձեն նամակ է հղել ԵԽԽՎ նախագահ Թեոդորոս Ռուսոպուլոսին։

Ինչպես ադրբեջանական ԶԼՄ–ներին հայտնել են Միլլի Մեջլիսի հասարակայնության հետ կապերի և մամուլի վարչությունից, նամակում մտահոգություն է հայտնվել ԵԽԽՎ-ում Ադրբեջանի խորհրդարանի պատվիրակության լիազորությունները չվավերացնելու վերաբերյալ բանաձեւի ընդունման կապակցությամբ։

Միկանաձեն կոչ է արել վերանայել այս բանաձեւը՝ «կանխելու ԵԽԽՎ-ում ադրբեջանական պատվիրակության լիազորությունները չվավերացնելու որոշման բացասական հետեւանքները»։