Բայդենը հաստատել է Ռուսաստանի դեմ ավելի քան 500 պատժամիջոցների սահմանումը

ԱՄՆ նախագահ Ջո Բայդենը հաստատել է, որ Վաշինգտոնն ավելի քան 500 պատժամիջոցներ է սահմանում Ռուսաստանի դեմ։ Այս մասին ասվում է Սպիտակ տան կայքում հրապարակված հայտարարության մեջ։

Տեքստում նշվում է, որ այս որոշումը կապված է ուկրաինական իրադարձությունների և Ալեքսեյ Նավալնու մահվան հետ: «Այս պատժամիջոցներն ուղղված կլինեն Նավալնու բանտարկության հետ կապված անձանց, ինչպես նաև Ռուսաստանի ֆինանսական սեկտորին, պաշտպանական արդյունաբերական բազային, գնումների ցանցերին և մի քանի մայրցամաքներում պատժամիջոցներից խուսափողներին», - ասվում է հայտարարության մեջ:

Նշվում է նաև, որ արտահանման սահմանափակումներ են սահմանվելու գրեթե 100 կազմակերպությունների նկատմամբ՝ «ռուսական ռազմական մեքենային գաղտնի աջակցություն ցուցաբերելու համար»։