Ուկրաինան պատրաստվում է նոր հակահարձակման․ Զելենսկի

Ուկրաինայի Զինված ուժերը պատրաստվում են նոր հարձակման հարավում և Սև ծովում, Fox News-ին տված հարցազրույցում ասել է Ուկրաինայի նախագահ Վլադիմիր Զելենսկին։

«Պաշտպանությունը թիվ մեկ խնդիրն է: Շարունակել մեր հաջող պատմությունը Սև ծովում՝ մենք դա կանենք։ Չեմ մանրամասնում, բայց նրանց՝ ռուսներին, անակնկալներ են սպասվում։ Հարավը կարևոր է։ <...> Եվ իհարկե, մենք կպատրաստենք նոր հակահարձակում, նոր օպերացիա»,- ընդգծել է պետության ղեկավարը։

Նրա խոսքով, նույնիսկ Ռուսաստանի դեմ պաշտպանվելը մեծ խնդիր ու մարտահրավեր է, քանի որ երկու երկրների ուժերը հավասար չեն։