Հունաստանի իշխանությունները ֆերմերներին օգնելու փոխարեն մարել են նրանց վարկերը

Հունաստանի իշխանությունները ֆերմերներին օգնություն տրամադրելու փոխարեն մարել են ԵՄ-ից 5,29 մլրդ եվրոյով ստացված վարկերը։ Այս մասին «ՌԻԱ Նովոստի»-ին ասել է Կրետեի համալսարանի Եվրոպական միության ինստիտուտի պրոֆեսոր, Եվրախորհրդարանի նախկին պատգամավորՆոտիս Մարիասը։

Մարիասի խոսքով՝ եվրոպացի վարկատուներն այդ միջոցներն օգտագործել են իրենց ֆերմերներին օգնելու համար։

«Քանի որ ֆերմերները դադարեցնում են իրենց ճանապարհների շրջափակումները՝ շարունակելու իրենց պայքարը այլ ձևերով, աճում է դժգոհությունը կառավարության դեմ, որը կեղծավորությամբ պնդում է, որ չկան լրացուցիչ ազգային ռեսուրսներ՝ աջակցելու պայքարող հունական գյուղատնտեսական արտադրությանը և մեր աղքատ ֆերմերներին»,-ասել է պրոֆեսորը:

Մինչ այս՝ Հունաստանի վարչապետ Կիրիակոս Միցոտակիսը հայտարարել էր, որ 2023 թվականի փետրվարից իշխանությունները նախատեսում են բյուջետային սուբսիդավորման միջոցով վեց ամսվա ընթացքում հոգալ բնակիչների մեծ մասի սննդի ծախսերի 10%-ը։