Ասում են՝ ինչի՞ առաջինը հարուստներինը չեք քանդում. Օղակաձև այգում խեղճ մարդկանց օբյեկտներ չեն քանդվել․ Ավինյան

Այսօր Երևանի քաղաքապետարանի նիստի ընթացքում քաղաքապետ Տիգրան Ավինյանն իր խոսքում անդրադարձ կատարեց ինքնակամ շինություններն ապամոնտաժելու ուղղությամբ ձեռնարկված և ձեռնարկվելիք աշխատանքներին․

«Ուզում եմ ևս մեկ անգամ հիշեցնել, թե առհասարակ այս պրոցեսը ինչի մասին է, որովհետև շատ տարբեր մեկնաբանություններ եղան։

Երբ մենք, որոշ դեպքերում, նույնիսկ դժվարին որոշումներ ենք կայացնում հանրային տարածքների վերադարձի հետ կապված, սկսվում են այդ խոսակցությունները՝ «ա՛յ, բա ինչի՞ հարուստներին առաջինը չեք անում»։ Ուզում եմ հիշեցնել, որ այս գործընթացը ինտենսիվ կերպով սկսվել է դեռևս 2022 թվականի վերջից, և վստահեցնում եմ՝ նույն Օղակաձև այգում և այլ տարբեր այգիներում, որոնցում մենք իրականացրել ենք քանդման աշխատանքներ, հաստատ խեղճ մարդկանց օբյեկտներ չեն քանդվել։

Երբ խոսքը գնում է հեկտարներով այգու, էդ այգու մեջ տարարտեսակ քոլիկներ քանդելու մասին՝ էստեղ մենք անբեկելի ենք, էստեղ մեզ հետ որևէ կոմպրոմիս հնարավոր չի»,- նման հայտարարությամբ հանդես եկավ քաղաքապետն ու ընդգծեց՝ նման դեպքերում հնարավոր է միայն քննարկել այդ մարդկանց կեցության խնդիրը, եթե իրականում կա նման խնդիր․

«Սա  է այն մոտեցումը, որը մենք որդեգրել ենք դեռևս երկու տառի առաջ, և այս մոտեցումից հետ չե՛նք կանգնելու»,- ավելացրեց Ավինյանը։