Ես հնարավորություն ունեցել եմ՝ շատ ավելի վատ բաներ անելու. ինձ մեղավոր չեմ ճանաչում․ Տիրան Խաչատրյան
Իրավունք
Այսօր դատարանում որոշում կայացվեց ԶՈՒ գլխավոր շտաբի պետի նախկին տեղակալ Տիրան Խաչատրյանի խափանման միջոցը փոխել՝ կալանքը վերացնել, և արպես խափանման միջոց ընտրել 5 մլն դրամ գրավը։
Լրագրողների հետ զրույցում Տիրան Խաչատրյանը դատական գործի վերաբերյալ ներկայացրեց իր դիտարկումները․
«Իհարկե, հասկանալի է, որ սա վերջնական որոշումը չէ, բայց միջանկյալ հատվածի համար գոհ եմ որոշումից։
Դատաքննությունը դեռ ընթանալու է, ես մանամասներ չեմ կարող ներկայացնել, սակայն ցուցմունքներում էլ ասել եմ, որ տեղի ունեցածում ինձ մեղավոր չեմ ճանաչում՝ և՛ բնությամբ, և՛ բնավորությամբ, և՛ իմ էությամբ էնպիսին չեմ, որ ինձ նման արարք թույլ տամ։ Հետագայում ձեզ համար էլ պարզ կլինի՝ կրակոցը ինչ հանգամանքներում է տեղի ունեցել, բայց այն, որ ես որևէ մեկին վնասելու, վիրավորելու փորձ չեմ արել, դա միանշանական է։ Ես այդ հնարավորությունը ունեցել եմ՝ շատ ավելի վատ բաներ անելու»,- ասաց նա։
Լրագրողի դիտարկմանը՝ արդյո՞ք այս ամենը կապված է իր՝ ընդդիմադիր կեցվածք ընդունելու հետ, Խաչատրյանը համաձայնեց․
«Ես ավելի հակված եմ ընդունելու այդպես, ի սկզբանե՝ դեռևս նախաքննության ընթացքում, այդ մոտեցումը դրսևորվել է իմ նկատմամբ»։
Հիշեցնենք՝ Տիրան Խաչատրյանին մեղադրանք է առաջադրվել Արամուս գյուղի տարածքում գործող ռեստորանում արձանագրված միջադեպի գործով։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
