Ջունգլիներում 80 տարի առաջ կորած ինքնաթիռ է հայտնաբերվել
Այլ
Պապուա Նոր Գվինեայի ջունգլիներում 80 տարի առաջ կործանված ռազմական ինքնաթիռ է հայտնաբերվել։ Այս մասին հայտնում է Daily Mail-ը։
Ամերիկյան Douglas SBD Dauntless–ը վթարի է ենթարկվել 1944 թվականի հունվարի 14-ին Երկրորդ համաշխարհային պատերազմի ժամանակ։ Ինքնաթիռում եղել են օդաչուն՝ լեյտենանտ Բիլլի Ռեյ Ռեմսին և հրաձիգը՝ սերժանտ Չարլի Ջ. Շարան։ Նրանք առաքելություն էին իրականացնում, որի թիրախը Ռաբաուլ նավահանգստի տարածքում գտնվող ճապոնական նավն էր: Ռազմական փաստաթղթերի համաձայն՝ հակառակորդի կործանիչները որսացել են ինքնաթիռը։ Հարձակման արդյունքում այն կործանվել է։ Ինքնաթիռը չի հաջողվել գտնել 80 տարի, և այս ամբողջ ընթացքում Ռեմսին և Շարան անհայտ կորածների ցուցակում էին։
Հունվարին Douglas SBD Dauntless-ի բեկորները հայտնաբերել են Պապուա Նոր Գվինեայի բնակիչները: «Մեր տատիկներից ու պապիկներից ոմանք պատմել են, որ ջունգլիների լեռնային հատվածում ինքնաթիռի վթար է տեղի ունեցել։ Բայց նրանք չգիտեին, թե կոնկրետ որտեղ է կործանվել ինքնաթիռը», - ասում է տեղի բնակիչ Կիլալա Կինդաուն, որը ղեկավարել է որոնողական խումբը:
Ամենադիտված 
Ես ուկրաինական տարածքները կտամ Ռուսաստանին՝ խաղաղության հասնելու համար. Զելենսկի
