Ձեր ներսում, որ արձանագրեք, որ մենք պարտվել ենք, շատ հարցեր դուրս կգան․ Գագիկ Ջհանգիրյան

Այսօր «Եռաբլուր» զինվորական պանթեոնում ԲԴԽ նախկին նախագահ Գագիկ Ջհանգիրյանը լրագրողների հետ զրույցում անդրադարձել է 44-օրյա պատերազմում հայկական կողմի պարտության պատճառներին․ 

«Դուք մոռանում եք, որ մենք պատերազմում պարտվել ենք, էդ փաստա, որ հայկական Զինված ուժերը պատերազմում պարտվեցին, դրա համար էլ էդ տարածքները անցան հակառակորդի վերահսկողության տակ։ Այ էդ որ ձեր ներսում արձանագրեք, որ մենք պարտվել ենք, շատ հարցեր դուրս կգան։

Ինչու՞ ենք պարտվել․ որովհետև 30 տարի բանակի վրա համապատասխան ներդրումներ չարեցինք։ Մեր բանակի՝ Կովկասում ամենահզոր բանակը լինելու մասին գնահատակնները ճիշտ էին մինչև 1994-1996 թվականները։ Հետագայում երկրի ղեկավարությունը այդ բանակի վրա համապատասխան ուշադրություն չի ներկայացրել»,- նման տեսակետով է հանդես եկել նա։