Որտեղի՞ց 500 հազար հավաքեմ տան կանխավճարի համար․ երեք զինվորի մայր եմ․ ակցիայի մասնակից
Հասարակություն
Արցախից բռնի տեղահանված քաղաքացիները բողոքի ակցիա են իրականացնում Կառավարության շենքի դիմաց: Բերձորում 27 տարի բնակված ակցիայի մասնակիցն իր խոսքում ասաց, որ այժմ ապրում են վարձով բնակարանում՝ Չարենցավանում, երեք զինվորի մայր է, որոնք մասնակցել են պատերազմին, իսկ մեկը վիրավորում է ստացել․
«Շատ ահավոր վիճակում ենք, անտեսված ենք բոլորի կողմից, ոչ մեկից ոչ մի աջակցություն չենք ստացել, երբեք ոչ ոք չի եկել, չի հարցրել՝ ո՞նց ենք ապրում․ չենք կարողանում ապրել։
Պահանջում ենք բանկերից, որ կարողանանք սերտիֆիկատով բնակարան գնել: Պետք է երկու սերտիֆիկատի համար 500 հազար դրամ գումար մուծենք, բայց մենք ի վիճակի չենք: Եթե մենք ստանում ենք ամիսը 280 հազար դրամ, որից 200 հազարը գնում է կոմունալ ծախսերին ու տան վարձին, որտեղի՞ց ես այդ 500 հազարը հավաքեմ, որ կարողանամ տալ կանխավճար տան համար:
Մեր պահանջն այն է, որ թույլ տան գոնե երկու սենյականոց տուն գնել, որ կարողանանք 6 հոգով ապրել»,- իրենց հավաքի նպատակների մանրամասները ներկայացրեց ակցիայի մասնակիցը:
Ամենադիտված 
Վրաստանի նախագահը հայկական Լոռին և Տաշիրը «պատմական Վրաստան» է համարում․ 168.am
