Այսօր մենք այդքան մրցունակ չենք․ պետք է Կառավարության կողմից էլ ներդրում լինի․ Աշոտ Հովհաննիսյան

Այսօր ԱԺ-ում ՏՏ ոլորտը կարգավորող օրենսդրական փաթեթի վերաբերյալ քննարկումներին ելույթ ունեցավ նաև «Սիներջի» ընկերության տնօրեն Աշոտ Հովհաննիսյանը․

«ՏՏ ոլորտում աշխատավարձը 3.8 անգամ ավելի բարձր է, քան միջին աշխատավարձը Հայաստանում։ Հիմնարկի համար դա ծախս է, տարիների ընթացքում աշխատավարձը բարձրացել է շատ ավելի արագ, քան մյուս ցուցանիշները։ Սրանից 25 տարի առաջ Հայաստանը շատ ավելի մրցունակ էր միջազգային շուկայում, աշխատավարձերը ցածր էին, բայց հնարավորությունները մեծ էին»,- իր խոսքում նշեց Հովհաննիսյանն ու ընդգծեց՝ այսօր մենք այդքան մրցունակ չենք և պետք է մտածել ընկերությունների մասին, ոչ թե միայն անհատների․

«Ընկերությունն է լինում մրցունակ կամ ոչ մրցունակ, ոչ թե անհատը։ Պետք է Կառավարության կողմից էլ ներդրում լինի, որպեսզի ավելի որակով արդյունք ստանանք»,- ասաց նա։