Կրակոցը վատ բան է, բայց եթե չենք պատասխանում, նշանակում է՝ այդքան մեծ վտանգ չենք տեսել դրանում. Քոչարյան
Քաղաքական
ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանն անդրադարձել է սահմանային վերջին կրակոցներին՝ նշելով, որ դրանք մշտապես եղել են և դա պետք չէ ոչ մի բանի հետ կապել.
«Երեկ էլ Սև լճի հատվածում են եղել կրակոցներ, նույնիսկ կարող եմ ասել՝ քանի կրակոց է եղել, բայց չեմ ասի, որովհետև դա կսկսի շահարկվել: Կրակոցը վատ բան է, բայց եթե չենք պատասխանում, նշանակում է՝ այդքան մեծ վտանգ չենք տեսել դրանում»,- ասել է նա։
Հարցին՝ ի՞նչ նպատակ են հետապնդում չդադարող կրակոցները, արդյո՞ք դրանք կարող են լայնամասշտաբ պատերազմի վերածվել, Քոչարյանն ասել է.
«Այդ կրակոցները դեռ հիմք չեն նման գնահատականի: Եթե լայնամասշտաբի հարց լինի, պետք է ամեն օր անենք ամեն ինչ, որ նախ՝ չլինեն նման զարգացումներ, լինելու դեպքում էլ՝ այսօրվա անելիքը չթողնենք վաղվա օրվան, որպեսզի կարողանանք դիմակայել նման ցանկություններին»,- նշել է նա։
ՈՒՂԻՂ ԵԹԵՐ
Ամենադիտված 
Երկու օր ջուր չի լինելու
