Արտակարգ դեպք՝ Կոտայքում. «Ամերիկանո» թաղամասի մոտ հրդեհ է եղել

Այսօր՝ օգոստոսի 3-ին, արտակարգ դեպք է տեղի ունեցել Կոտայքի մարզում: Ժամը 15:20-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Պռոշյան գյուղի վարչական տարածքում գտնվող «Ամերիկանո» թաղամասի հարևանությամբ՝ խաղողի այգիներում, հրդեհ է բռնկվել:

Ինչպես հայտնում է ֆոտոլրագրող Գագիկ Շամշյանը, օպերատիվորեն ժամանել են փրկարար ծառայության Երևանի թիվ 7 և թիվ 13 հրշեջ-փրկարարական ջոկատներից 1-ական մարտական հաշվարկ:

Պարեկները ոչ միայն սահմանազատել են տարածքը, այլ նաև հրշեջների և քաղաքացիների հետ, նախ պայքարել են կրակի տարածման դեմ, ապա մարել այն: Ըստ նախանական տեղեկությունների՝ այրվել է մոտ 1.5 հա խաղողի այգի: Հրդեհի հետևանքով, բարեբախտաբար, տուժածներ չկան: