Լիլիթ Գալստյանը դիմել է կառավարությանը

Պաշտոնական նամակով դիմել եմ կառավարությանը՝ ակնկալիքով, որ Արցախում տեղի ունեցող մշակութային ցեղասպանության համատեքստում կստանամ հետևյալ հարցերի պատասխանը։ Այս մասին հայտարարել  է ՀՀ ԱԺ պատգամավոր Լիլիթ Գալստյանը։

« Արդյո՞ք ՀՀ կառավարության կողմից մշակվել է կոնկրետ քաղաքականություն կամ ծրագիր՝ հակազդելու Արցախում հայկական մշակութային հետքի վերացմանն ուղղված ադրբեջանական քաղաքականությանը։ Ի՞նչ քայլեր են ձեռնարկվելու դիվանագիտական խողովակով՝ Վատիկանին պատկանող «L'Osservatore Romano» պարբերականում զետեղված հոտվածին հակազդելու ուղղությամբ։  Ի՞նչ քայլեր են ձեռնարկվել և առաջիկայում ձեռնարկվելու Արցախի մշակութային ժառանգության պահպանության և պաշտպանության ներկա վիճակն արձանագրող ՅՈՒՆԵՍԿՕ-ի դիտորդական, փաստահավաք առաքելություն պահանջելու ուղղությամբ»,- ասել է նա։