Այսօր Գագիկ Գինոսյանի ծնունդն է․Կարնո տոնախմբությունը երկնքում

Գագիկ Գինոսյանի դստեր հուզիչ գրառումը հիշեցրեց, որ այսօր հոր ծնունդն է։ Այս մասին գրում է «Հրապարակ»-ը։

Առաջին ծնունդը՝ առանց հոր։ Մեր ազգի համար էլ առաջին ծնունդն է՝ առանց նրա։ Հասկանում եմ, թե այսօր ինչու՞ ազգովին չենք հիշում նրա ծնունդը, միայն հարազատ աղջիկն է հիշում, չէ՞ որ ազգի համար էլ նա թանկ, շատ թանկ էր, անգնահատելի։ Այսօր ազգս ցավի, տառապանքի, արհավիրքի, արժեքները կորցնելու ճամփով է անցնում։

Գինոսյանի դուստրը հորն ասում է․ «Շնորհակալ եմ ինձ որ հասցրել եմ քեզ ճանաչել, քո գինն ու կարևորությունը հասկանալ, երբ դու դեռ կողքիս էիր... »։

Ազգն էլ ճանաչել է նրա գինն ու կարևորությունը, բայց այսօր՝ արժեքների անկման պահին, այդ գինը ավելի քան կարևորվում է, ինչպես սիրելի դուստրն է ասում՝ «բոլոր կոտրվածքներս քո սիրով են բուժվում... »։ Մեր ազգի կոտրվածքները նույնպես արվեստի ուժի սիրով է բուժվում։

Այսօր Գագիկ Գինոսյանի ծննդյան օրն է․ Կարնո տոնախմբությունը երկնքում է։ Երկրի վրա թողել է իր արվեստը, թագավորական պարերը, որ մենք տոնենք․․․