Պատերազմը պարտություն է. Հռոմի պապը խաղաղության կոչ է արել
Այլ
Հռոմի պապ Ֆրանցիսկոսը կոչ է արել խաղաղություն հաստատել Սուրբ երկրում և երկխոսություն Վենեսուելայում, աղոթել է Հնդկաստանում ջրհեղեղի զոհերի համար, գրում է vaticannews.va-ը։
Սրբազան Հայրը խորապես մտահոգություն է հայտնել Մերձավոր Արևելքում տիրող իրավիճակով և Գազայի հատվածից և Իսրայելից այլ երկրներ հակամարտության տարածման վտանգով։ Հռոմի պապ Ֆրանցիսկոսը հույս է հայտնել, որ այս հակամարտությունը, որն արդեն «առանձնապես դաժան և արյունալի է, ավելի չի ընդլայնվի»։
Հռոմի Ֆրանցիսկոս պապը կոչ է արել «քաջություն ունենալ և վերսկսել երկխոսությունը՝ անմիջապես դադարեցնելու մարտերը Գազայում և բոլոր ճակատներում, ազատ արձակել պատանդներին» և մարդասիրական օգնություն ցուցաբերել բնակչությանը։
«Ռմբակոծությունները, սպանությունները և բռնությունը ոչ մի նպատակի չեն ծառայում։ Հարձակումները, նույնիսկ թիրախավորումները, սպանությունները երբեք լուծում չեն: Դրանք ոչ թե օգնում են գնալ արդարության, խաղաղության ճանապարհով, այլ ավելի մեծ ատելություն և վրեժխնդրություն են առաջացնում։ Բավական է, եղբայրներ և քույրեր, բավական է: Մի' խեղդեք խաղաղության Աստծո խոսքը, թող այն դառնա Սուրբ Երկրի, Մերձավոր Արևելքի և ողջ աշխարհի ապագան: Պատերազմը պարտություն է»,-ասել է Ֆրանցիսկոս պապը։
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
