Ռուսական կողմը ջուր և բժշկական օգնություն կտրամադրի Վրաստանի հետ սահմանին սպասող մարդկանց

Ռուսական կողմը ջուր և բժշկական օգնություն կտրամադրի բոլոր նրանց, որ կսպասեն Վրաստանի հետ սահմանին ճանապարհի բացմանը, հայտնել է Հյուսիսային Օսիայի ղեկավար Սերգեյ Մենյայլոն: 

Նրա տեղեկություններով՝ «Վերին Լարսում» երթևեկությունը կսահմանափակվի օգոստոսի 6-ին՝ ժամը 01:00-ից մինչև հատուկ կարգադրություն: 

«Այս պահին հանրապետության տարածքում երթևեկությանը սպասում է ավելի քան հազար մարդատար ավտոմեքենա. մարդիկ հանգստի են մեկնում հարևան երկիր, բայց ստիպված են ուշանալ: Նրանց կտրամադրենք անհրաժեշտ ողջ օգնությունը»,-գրել է Մենյայլոն Telegram-ի իր ալիքում։