Կրիտիկական պահ է. Բլինկենը՝ Մերձավոր Արևելքի մասին
Հասարակություն
Վերջին օրերին ԱՄՆ-ն և նրա դաշնակիցները պայքարում են Իսրայելի վրա Իրանի հարձակումը կանխելու և ավելի լայն տարածաշրջանային պատերազմը կանխելու համար, գրում է Bloomberg-ը։ Վաշինգտոնն ակտիվացրել է իր դիվանագիտությունը՝ աճող մտավախությունների ֆոնին, որ ցանկացած պահի կարող է հարված հասցնել՝ ի պատասխան Թեհրանում ՀԱՄԱՍ-ի առաջնորդի սպանության:
Բայդենի վարչակազմը լրացուցիչ ուժեր է մտցրել տարածաշրջան, և ԱՄՆ պետքարտուղար Էնթոնի Բլինկենը երկուշաբթի օրը հրատապ բանակցություններ է վարել Քաթարի և Եգիպտոսի բարձրաստիճան պաշտոնյաների հետ՝ երկու երկրներ, որոնք օգնում են Իսրայելի և ՀԱՄԱՍ-ի միջև հրադադարի շուրջ բանակցություններին, հայտնում է թերթը:
«Սա կրիտիկական պահ է», - լրագրողներին ասել է Բլինկենը: «Մենք զբաղվում ենք ինտենսիվ դիվանագիտությամբ՝ գրեթե շուրջօրյա, մի շատ պարզ ուղերձով. բոլոր կողմերը պետք է ձեռնպահ մնան հակամարտության սրացումից, բոլոր կողմերը պետք է քայլեր ձեռնարկեն լարվածությունը թուլացնելու համար», - ընդգծել է պետքարտուղարը։
Bloomberg-ը նշում է, որ Միացյալ Նահանգների ճնշումը լայն ջանքերի մի տարրն է այն պաշտոնյաների կողմից, որոնք փորձում են կանխել համապարփակ տարածաշրջանային պատերազմը: Բացի Վաշինգտոնից՝ դիվանագիտական ջանքերն ակտիվացրել են Հորդանանը, Քաթարը, Եգիպտոսը և արաբական շատ այլ երկրներ:
Ամենադիտված 
Մնաս բարյավ. Րաֆֆի Հովհաննիսյան
