Դանի Օլմոն՝ Բարսելոնայի ֆուտբոլիստ

Իսպանացի կիսապաշտպան Դանի Օլմոն պայմանագիր է կնքել կատալոնական «Բարսելոնայի» հետ։ Այս մասին հայտնում է armsport.am-ը։

«Բարսելոնան» իր պաշտոնական կայքում հայտարարել է կիսապաշտպան Դանի Օլմոյի տեղափոխության մասին։ Ֆուտբոլիստը կատալոնական ակումբի հետ պայմանագիր է կնքել մինչև 2030 թվականի ամառ։

Նախկինում ԶԼՄ-ները հայտնում էին, որ տրանսֆերը ակումբին կարժենա 55 միլիոն եվրո, ևս 7 միլիոն եվրո գերմանական ակումբը կստանա բոնուսների տեսքով:

Նախորդ մրցաշրջանում Դանի Օլմոն ակումբի և ազգային հավաքականի կազմում բոլոր մրցաշարերում մասնակցել է 32 հանդիպման, որոնցում դարձել է 13 գոլի և 7 գոլային փոխանցման հեղինակ։

Նշենք, որ Օլմոն «Բարսելոնայի» ակադեմիայի սան է։