«Mazda 6»-ը «Չայնիի» ոլորաններում մխրճվել է արգելապատնեշի մեջ․ ամուսինները և երեխան հոսպիտալացվել են

Երեկ ՝ օգոստոսի 12-ին, խոշոր ավտովթար է տեղի ունեցել Կոտայքի մարզում։ Ժամը 23։25-ի սահմաններում Երևանի բնակիչ 29-ամյա Վլադմիրի Գ․-ն ի վարած «Mazda 6» մակնիշի ավտոմեքենայով Երևան-Սևան ավտոճանապարհի 26 կմ հատվածում՝ դեպի Հրազդան ընթանալիս, դեռևս անհայտ հանգամանքներում դուրս է եկել երթևեկելի գոտուց և մխրճվել ճամփամիջյան գոտու երկաթե արգելապատնեշի մեջ։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով Վլադիմիր Գ․-ն տեղափոխվել է Միաքայելյանի անվան վիրաբուժության ինստիտուտ, իսկ նրա ուղևորներ, Երևանի բնակիչ 33-ամյա Ամալյա Հ․-ն տեղափոխվել է Երևանի Հերացու անվան թիվ 1 համալսարանական հիվանդանոց, իսկ 2-ամյա Ա․ Գ․-ն՝ Երևանի «Ուիգմոր քլինիկ» բժշկական կենտրոն։

Վիրավորներին առաջինը օգնության են հասել քաղաքացիները, ՀՀ Ներքին գործերի նախարարության փրկարար ծառայության հատուկ նշանակության փրկարարական աշխատանքների իրականացման կենտրոնի թիվ 18 հրշեջ փրկարարական ջոկատի փրկարարները՝ ջոկատի պետ Կարեն Ավետիսյանի գլխավորությամբ և «Աբովյան» բժշկական կենտրոնի շտապօգնության բժիշկների հերթապահ խումբը։

Մանրամասն՝ սկզբնաղբյուր կայքում։