ՀՀ ՆԳՆ-ն նախատեսում է 30 տոկոսով օպտիմալացնել ձերբակալվածների պահման վայրերը. 33-ից 8-ի գործունեությունն արդեն դադարեցվել է (տեսանյութ)

 ՀՀ ՆԳՆ ոստիկանության բարեփոխումների շրջանակում 2024 թ. ընթացքում նախատեսվում է 30 տոկոսով օպտիմալացնել ձերբակալվածների պահման վայրերը։

Ինչպես  տեղեկացրին ՀՀ ներքին գործերի նախարարությունից, բարեփոխման նպատակը առավել բարվոք, ճիշտ կահավորված, միջազգային չափանիշներին համապատասխան ձերբակալվածների պահման վայրեր (ՁՊՎ) ունենալն է, իսկ խնայված գումարով համակարգը կբարելավվի:

«Ստորաբաժանումները պետք է պարտադիր համապատասխանեն միջազգային չափանիշներին։ Ձերբակալվածներին պահելու այն վայրերը, որտեղ առավել քիչ անձինք են պահվել, մյուս կողմից՝ այն ստորաբաժանումները, որոնք չունեն բարվոք կահավորանք կամ պայմաններ, որոշում է կայացվել դրանք կրճատել»,- ներկայացնում է ռազմավարական պլանավորման քաղաքականության մշակման և մոնիթորինգի վարչության պետ Արմեն Մկրտչյանը:

Ըստ աղբյուրի՝ 2022-2023 թթ. տվյալների ուսումնասիրության արդյունքում օպտիմալացվել են այն ՁՊՎ-ները, որոնց դեպքում առկա են եղել անմխիթար վիճակ և ոչ բարվոք պայմաններ, հաշվի են առնվել նաև ՁՊՎ-ների ծանրաբեռնվածությունը, կենսապայմանները, մոտակա վայրերում այլ ՁՊՎ-ների առկայությունը։ Ըստ այդմ, ձերբակալվածների պահման 33 վայրերից ութի գործունեությունն արդեն դադարեցվել է, իսկ առաջիկայում կդադարեցվի ևս մեկի գործունեությունը։

«Ուսումնասիրության արդյունքներով պարզել ենք, որ ոստիկանությունում գործող ոչ բոլոր ձերբակալվածների պահման վայրերն են աշխատում ամբողջ ծավալով, օրինակ՝ ձերբակալվածների պահման վայրեր ունենք, որտեղ տարեկան մեկ կամ երկու ձերբակալված է պահվում»,- նշում է Արմեն Մկրտչյանը։

Նշվում է, որ գործընթացն արդյունավետ իրականացնելու նպատակով ՆԳ նախարարի հանձնարարականով ստեղծվել է աշխատանքային խումբ, որի կազմում ընդգրկվել են ՆԳՆ տարբեր ստորաբաժանումների աշխատակիցներ։

Նախարարությունից հայտնում են, որ ՆԳՆ ոստիկանության բարեփոխումների շրջանակում շարունակվելու են մոնիթորինգային աշխատանքները՝ ճշտելու համար լրացուցիչ օպտիմալացման կարիքներն ու ժամանակացույցը:

Published by Armenpress, original at https://armenpress.am/hy/article/1197618

Այս թեմայով ՆԳՆ-ն զգուշացնում է․ նորից շչակներ են գործարկվելու որոշ բնակավայրերում Հատվածական և ապօրինի սահմանազատման հետևանքով փաստացի արդեն տեղի է ունեցել ՀՀ տարածքի փոփոխություն Ուկրաինայի ՆԳ նախկին փոխնախարարը՝ հայերի ծագումնաբանության և պատմական Հայաստանի մասին (տեսանյութ) Ուկրաինայի ՆԳ նախկին փոխնախարարը՝ հայերի ծագումնաբանության և պատմական Հայաստանի մասին (տեսանյութ) Ուկրաինայի ՆԳ նախկին փոխնախարարը՝ հայերի ծագումնաբանության և պատմական Հայաստանի մասին (տեսանյութ)