Իսրայելական ավիահարվածների հետևանքով՝ Գազայում երեխաներ են զոհվել

Իսրայելը ավիահարվածներ է հասցրել Գազայի հատվածի փախստականների ճամբարներին, ինչի հետևանքով՝ 16 մարդ է զոհվել, այդ թվում՝ երեխաներ, հաղորդում են միջազգային ԶԼՄ-ները։

Գազայի հատվածի Նուսեյրաթ փախստականների ճամբարին իսրայելական օդուժի հասցրած հարվածների հետևանքով՝ զոհվել է 7 պաղեստինցի, այդ թվում՝ երեք երեխա։

Եվս չորս պաղեստինցի զոհվել է Գազայի կենտրոնում գտնվող Ալ-Մաղազի փախստականների ճամբարում գտնվող տան վրա հարձակման հետևանքով։

Ընդհանուր առմամբ՝ իսրայելական օդուժի ավիահարվածների հետևանքով Գազայի հատվածի կենտրոնական ու հյուսիսային շրջաններում 16 մարդ է զոհվել։