Բրազիլացի մոդելը հանրահայտ է դարձել այն բանից հետո, երբ սեփական կղանքը քսել է դեմքին

Ինչի ասես, որ չեն դիմի մարդիկ ինտերնետում ճանաչման հասնելու համար։ Բրազիլացի մոդել Դեբորա Պեյշոտուն  հանրահայտ է դարձել այն բանից հետո, երբ սեփական կղանքը քսել է դեմքին՝ հավաստիացնելով, որ այդ «դիմակը» հակատարիքային առավելություններ» ունի։

Ինսթագրամում տեսանյութ հրապարակելով՝ Դեբորան գրել է. «Ամենախելագար բանը, որն արել եմ իմ կյանքում՝ սեփական կղանքս  քսել եմ դեմքիս։ Ես տեսել եմ որոշ հետազոտություններ այդ մասին, եւ որոշեցի փորձել։ Դա ինձ օգնեց, մաշկս այլեւս չի թեփոտվում»։

Աղջիկը հավաստիացնում է, որ կղանքի օգտագործումը որպես դեմքի դիմակ օգնում է ծերացման դեմ։ Տեսանյութում ցուցադրված է, թե ինչպես է նա սառնարանից հանում ոչ մեծ բանկան եւ պարունակությունը քսում դեմքին փոքր գդալի օգնությամբ։ Այնուհետեւ նա քթին սեղմակ է դնում, որ հոտը չառնի։ Ավելի ուշ նա լվանում է «դիմակը» լվացանյութով։ Տեսանյութում երեւում է նաեւ մի տղամարդ հետին պլանում, որը, թվում է, զզվում է այդ պրոցեսից։

Բժիշկները կտրականապես խորհուրդ չեն տալիս կղանքը քսել դեմքին՝ ինչ պատճառով էլ որ լինի։

Մաշկաբան Սոֆի Մոմենը New York Post-ին պատմել է, որ սա մաշկի խնամքի բոլոր «միտումներից» ամենատարօրինակն է։ «Ոչ մի օգուտ ձեր մաշկի համար չկա կղանքի օգտագործումից՝ որպես դեմքի դիմակ»։

Նրա խոսքով՝ նման դիմակը կարող է սննդային թունավորում առաջացնել եւ անգամ վիրուսային վարակներ։ Ձեր մաշկը կարող է պատվել ցանով։

«Կղանքը պարունակում է բազմաթիվ մանրէներ, վիրուսներ եւ մակաբույծներ, ներառյալ աղիքային ցուպիկը, սալմոնելան եւ հելմինտները, որոնք կարող են լուրջ վարակ եւ հիվանդություններ առաջացնել»,- նշել է պլաստիկ վիրաբույժ Թունկ Թիրիյակին։

News.am