Հեռու չէ այն օրը, երբ այս անմակարդակությունը կհայտնվի դպրոցական դասագրքերում․ Սուրենյանց

Քաղաքագետ Սուրեն Սուրենյանցի ֆեյսբուքյան գրառումը․

«Սափուրմուրատ Նիյազովը՝ Թուրքմենբաշին, Թուրքմենիայի միահեծան ղեկավար լինելուց բացի, «գիտական», «գեղարվեստական» գործեր էր «երկնում» և դա պարտադրում էր հասարակությանը՝ դա մատուցելով որպես պետական գաղափարախոսություն, ուղեցույց:

Ավելին, այս մարդը համարել է, որ ինքը «մեսիա» է:

Սափարմուրադ Նիյազովը, 1997 թվականի գարնանը, խոսելով թուրքմենական ստեղծագործ մտավորականության ներկայացուցիչների հետ, ասել է, որ տասներկու տարեկանում գիտեր, որ ապագայում ինքը դառնալու է երկրի ղեկավար:

Քիչ առաջ տեսա Նիկոլ Փաշինյանի տեսանյութը, որում նա հասարակությանը մատուցում էր իր անճաշակ բանաստեղծությունը՝ «Իրական Հայաստան՝ Հայաստանի Հանրապետություն» վերնագրով:
Մտածում եմ՝ Փաշինյանն Արմենբաշի ինքնահռչակվելու ճանապարհին է ու կարծում եմ՝ հեռու չէ այն օրը, երբ «ժողովրդական պահանջով» Փաշինյանի այս անմակարդակությունը կհայտնվի դպրոցական դասագրքերում, ի վերջո՝ կհռչակվի որպես պետական օրհներգ»։