6 օրում հայտնաբերվել է 12 828 կգ կանեփի և 5 կգ կակաչի վայրի աճած զանգված

Օգոստոսի 12-ից 18-ը հանրապետության տարածքում հայտնաբերվել և այրման միջոցով ոչնչացվել է 12 828 կգ կանեփի և 5 կգ կակաչի վայրի աճած զանգված: Այս մասին հայտնում է ՆԳՆ Ոստիկանության մամուլի ծառայությունը։ 

«Տնամերձ 27 հողամասում հայտնաբերվել է կանեփի 1263 բույս:

Օպերատիվ տեղեկությունների իրացման արդյունքում ապօրինի թմրաշրջանառությունից առգրավվել է` 560 գրամ մարիխուանա, 4․18 գրամ մեթամֆետամին, 5 գրամ սփայս, 21․5 մլ մեթադոն և 62․12 գրամ ափիոն տեսակի թմրամիջոց:

Ձեռնարկված օպերատիվ-հետախուզական միջոցառումների և բացատրական աշխատանքի արդյունքում հայտնաբերվել են նաև տարբեր տրամաչափի 196 փամփուշտ, 3 ատրճանակ, 3 հրացան։ 

Միջոցառման շրջանակում հայտնաբերվել է 25 հետախուզվող:

«Կանեփ-կակաչ-2024» համալիր օպերատիվ-կանխարգելիչ միջոցառումը շարունակվում է»,–ասված է հաղորդագրության մեջ։