Ո՞ւմ են պետք հայերը` բացի մեզնից․ վաղը Մակրոնը չի լինի, և բոլորը կմոռանան Հայաստանի մասին․ Լուկաշենկո
Տեսանյութեր
Բելառուսի նախագահ Ալեքսանդր Լուկաշենկոն հայտարարել է, թե հետխորհրդային որոշ երկրներ ձգտում են օգուտ քաղել Ռուսաստանից՝ փոխարենը ոչինչ չառաջարկելով։ Այս մասին նա ասել է Россия հեռուստաալիքին տված հարցազրույցում՝ անդրադարձ կատարելով նաև Հայաստանին։
«Հայերը, մեզնից բացի, ո՞ւմ են պետք։ Ոչ ոք: Թող զարգացնեն իրենց տնտեսությունը և կենտրոնանան իրենց ռեսուրսների վրա։ Ի՞նչ Ֆրանսիա կամ Մակրոն։ Վաղը նա չի լինի, և բոլորը կմոռանան Հայաստանի մասին»,- ասել է Լուկաշենկոն։
Բելառուսի նախագահի խոսքով՝ ինքը և Ռուսաստանի Դաշնությունը իրականում «նավակի մեջ են»։
«Եթե նա շրջվի, մենք միասին կխեղդվենք: Պետք չէ թաքցնել մեր դաշնակցային հարաբերությունները։ Մենք չենք վարվում այնպես, ինչպես որոշ այլ պետություններ, որոնք ցանկանում են միայն Ռուսաստանից վերցնել՝ ոչինչ չտալով»,- ասել է Լուկաշենկոն։
«Եկեք միասնական լինենք։ Հեռու չէ ժամանակը, երբ աջակցության համար ստիպված կլինեք դիմել Ռուսաստանին։ Ճգնաժամի դեպքում, ինչպես եղավ Ղազախստանում, բոլորը դիմում են Պուտինի օգնությանը։ Իսկ մենք (ՀԱՊԿ-ը-խմբ.) արագ արձագանքեցինք՝ ուժեր ուղարկելով այնտեղ և հանդարտեցնելով անկարգությունները»,- հայտարարել է Լուկաշենկոն։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
