Տաքսի ծառայության նոր կարգավորումների մասին

Սուրեն Սուրենյանցի գրառումը.

«Տաքսի ծառայության նոր կարգավորումների մասին 

Սեպտեմբերի 1-ից բոլոր տեսակի տաքսի ծառայություններ մատուցողները՝ լինեն անհատ վարորդներ կամ օնլայն հարթակներ, պետք է հարկային դաշտ մտնեն, պետությանը հաշվետվություն ներկայացնեն ու տուրքեր վճարեն:
Ուժի մեջ մտնող նոր կարգավորումներով բոլոր տաքսիստները ուղևորներին էլեկտրոնային ՀԴՄ կտրոն պետք է տրամադրեն ու յուրաքանչյուր պատվերի համար ֆիքսված տոկոսադրույքով տուրքեր վճարեն: Եթե պատվերը կանխիկով լինի, կգանձվի ուղևորության ընդհանուր արժեքի 2 տոկոսը, անկանխիկի դեպքում՝ 1.5 տոկոսը։ 1000-դրամանոց ուղևորության պետտուրքը 15-ից 20 դրամ կկազմի։ Տոկոսներն աստիճանաբար կբարձրանան և 2026-ին կհասնեն վերջնական մակարդակի՝ն 5 ու 4 տոկոս համապատասխանաբար։

Երեկ և այսօր ինձ հանդիպած բոլոր տաքսիստներն այս կարգավորումներից դժգոհ են, ասում են՝ դա բերելու է ուղեվարձերի թանկացմանը, որովհետև նոր կարգավորումներին հետևելու պարագայում՝ իրենց եկամուտները կրճատվելու են:

Այս ամենից բացի՝ ինձ այլ հարց էլ է հետաքրքրում:

Արդյո՞ք այս ոլորտը պատրաստ է նոր կարգավորումներին, թե՞ սեպտեմբերի 1-ից հիմա էլ ժամերով տաքսի ենք փնտրելու՝ ինչպես այսօր մեր հազարավոր քաղաքացիներ երկար սպասում են քաղաքային տրանսպորտին:
Ցանկացած բարեփոխում արդյունավետ է, երբ դրա ռիսկերը գնահատվում են ու առաջին հերթին՝ այդ բարեփոխումը պետք է ընդլայնի քաղաքացու կոմֆորտ միջավայրը»: