Մարդու աղիքները դեղամիջոցների նոր տեսակների ստեղծման աղբյուր կարող են դառնալ. Cell

Գիտնականները հայտարարել են, որ մարդու աղիքների մանրէներով լցված տարածությունը հնարավոր ուղիներ է բացում նոր հակաբիոտիկների ստեղծման համար:

Աղիքների միկրոբիոմի (որոշակի միջավայրում բնակվող միկրոօրգանիզմների ամբողջություն) ուսումնասիրություններից մեկուսացված մոլեկուլները անսպասելի արդյունքներ են տվել, որոնք կարող են հանգեցնել դեղամիջոցների նոր տեսակների ստեղծմանը, հայտնոել է հետազոտության առաջին հեղինակ, Փենսիլվանիայի համալսարանի կենսաճարտարագիտության ոլորտի գիտաշխատող Մարսելո Տորեսը:

Հետազոտության արդյունքները հրապարակվել են երկուշաբթի Cell գիտաբժշկական հանդեսում:

Թիմը կենտրոնացել է աղիքների բակտերիաների կողմից արտադրվող պեպտիդների՝ ամինաթթուների սպիտակուցների վրա, որոնք հաճախ օգտագործվում են հակաբիոտիկների ստեղծման համար:

Ընդհանուր առմամբ, գիտնականները գնահատել են ավելի քան 400 հազար պեպտիդների հակաբիոտիկական պոտենցիալ արժեքը:

Ժամանակի ընթացքում այս թիվը կրճատվել է՝ հասնելով մինչև 78 սպիտակուցի, որոնք, թվում է՝ պատրաստ էին լաբորատորիայում մանրէական մշակույթների վրա փորձարկմանը:

Պարզվել է, որ պեպտիդների շուրջ կեսն իրականում ի վիճակի է ճնշելու բակտերիաների աճը։

Հատկապես մեկը՝ պրեվոտելլին-2-ը, ցույց է տվել բակտերիալ վարակի դեմ պայքարելու ունակություն, որը համեմատելի է Միացյալ Նահանգների Սննդի և դեղերի վարչության (FDA) հաստատած՝ դեղորայքակայուն վարակների դեմ արդեն օգտագործվող հզոր հակաբիոտիկի հետ:

Գիտնականների կարծիքով, դա վկայում է նրա մասին, որ մարդու միկրոբիոմի մշակումը՝ հակամանրէային պեպտիդների հետաքրքիր նոր դասեր ստեղծելու առումով, հետազոտողների և բժիշկների և հատկապես հիվանդների համար խոստումնալից ճանապարհ է: