Կոնֆերենցիաների լիգայի փլեյ-օֆֆ. «Նոա»-ն հաղթել է «Ռուժոմբերոկ»-ին

Կոնֆերենցիաների լիգայի փլեյ-օֆֆ փուլի առաջին խաղում «Նոան» Աբովյանի Վահագն Թումասյանի անվան մարզադաշտում ընդունել է «Ռուժոմբերոկին» և երեք անպատասխան գնդակ ուղարկել նրա դարպաս։

Հանդիպման հաշիվը բացվել է 4-րդ րոպեին․ Պերեյրան ձախ եզրից փոխանցում է կատարել, դարպասապահը որսացել է գնդակը, ապա բաց թողել այն, բայց վրա հասած պորտուգալացի հարձակվող Գոնսալու Գրեգորիուն գնդակն ուղարկել է մրցակցի դարպասը՝ երևանյան թիմին առաջ մղելով հաշվի մեջ։

79-րդ րոպեին մրցավարը 11-մետրանոց է նշանակել մրցակցի դարպասին, գնդակին մոտեցած Գոռ Մանվելյանն ավրեպ իրացրել է այն՝ հաշիվը դարձնելով 2-0։

Հիմնական ժամանակին ավելացված 3-րդ րոպեին՝ մրցակցի դարպասային հրապարակում խառը իրադրության ժամանակ, Մատեուս Այասը 3-րդ գնդակն է ուղարկել «Ռուժոմբերոկի» դարպասը։ Այսպիսով, «Նոան» պատասխան խաղից առաջ խմբային փուլ անցնելու լուրջ հայտ է ներկայացնում։

Պատասխան խաղը կկայանա օգոստոսի 29-ին Սլովակիայում։