Պրոդյուսեր Ռուբեն Մխիթարյանը հայտարարել է՝ կուսակցության անդամ չի դառնում, կուսակցություն չի հիմնում

Պրոդյուսեր Ռուբեն Մխիթարյանը հայտարարել է՝ կուսակցության անդամ չի դառնում, կուսակցություն չի հիմնում, բայց իր ակտիվ քաղաքացիական գործունեությունը շարունակելու է։

«Պաշտոնական հայտարարություն․ վերջին մի քանի ամիսներին իմ անունը հայտնվում է շատ հարգելի մարդկանց անունների կողքին, իսկ բովանդակությունը հետևյալն է, որ ես կուսակցական եմ դառնում, կուսակցություն եմ բացում, կուսակցական եմ բուծում և այլն:

Խնդրում եմ ընդունեք սա որպես շարունակություն և հավելյալ պարզաբանում չենթադրող հայտարարություն:

Ես չեմ պատրաստվում դառնալ կուսակցական: Կուսակցություն ստեղծելու խելակորույս գործի մեջ չկամ: Ընդհանրապես, այս փուլում Հայաստանի քաղաքականությունը իր թե՛ իշխանությամբ, թե՛ ընդդիմությամբ ինձ հետաքրքիր չեն:

Ինձ, իհարկե, հուզում է իմ պետության ու իմ ազգի ճակատագիրը, և ես, իհարկե, շարունակելու եմ իմ ակտիվ քաղաքացիական գործունեությունը: Բայց դա, ինչպես և նախկինում, անելու եմ միմիայն իմ խղճի, հավատամքների և արժեքների պրիզմայից ելնելով։    

Այսքանը: Մուզիկանտ չզբաղվել ձեր բոլորի բորշած պոլիտիկայով: Պաչեմ գը»,- սոցցանցի իր էջում գրել է Ռուբեն Մխիթարյանը։