ԱԱՏՄ ղեկավարը «Սուրբ Աստվածամայր» ԲԿ-ում էր․ բուժառուների առողջական վիճակով է հետաքրքրվել

Առողջապահական և աշխատանքի տեսչական մարմնի ղեկավար Սլավիկ Սարգսյանը և ղեկավարի տեղակալ Թագուհի Հակոբյանը տնտեսավարող սուբյեկտերի հետ հանդիպումների շարք նախաձեռնության շրջանակներում այս անգամ աշխատանքային այց են կատարել «Սուրբ Աստվածամայր» բժշկական կենտրոն: Հայտնում են ԲԿ-ի մամուլի ծառայությունից։ 

Նախաձեռնության նպատակն է վերահսկվող օբյեկտների հետ հետադարձ կապի պահպանումը, որով ապահովվում է օրենքով սահմանված՝ տեսչական մարմինների գործունեության ամբողջականության սկզբունքը

Բժշկական կենտրոնի տնօրեն Հովհաննես Զոհրաբյանի ուղեկցությամբ Տեսչական մարմնի ղեկավարն ու տեղակալը շրջել են բժշկական կենտրոնի բաժանմունքներում, քննարկել առանձին խնդիրներ, Տեսչական մարմնի գործառույթներին առնչվող հարցերի վերաբերյալ իրականցվել է խորհրդատվություն:

Այցի ընթացքում Սլավիկ Սարգսյանը զրուցել է նաև տարբեր բաժանմունքների բուժառուների հետ, հետաքրքրվել նրանց առողջական վիճակով և պատասխանել վերջիններիս մտահոգող հարցերին: