ԵՄ-ն խորհուրդ է տվել երկարացնել Ուկրաինային ռազմական օգնության առաքելությունը
Տեսանյութեր
Եվրոպական արտաքին գործողությունների ծառայությունը խորհուրդ է տվել ԵՄ անդամներին երկարաձգել ռազմական աջակցության առաքելությունը Ուկրաինա և հարմարեցնել Ուկրաինայի զինված ուժերի ուսումնական ծրագրերը Կիևի պահանջներին համապատասխան։ Այդ մասին տեղեկացնում է Euractiv պարբերականը։
«Եվրոպական արտաքին գործողությունների ծառայությունը խորհուրդ է տալիս վերապատրաստումը դարձնել ավելի համապատասխան մարտական կարիքների համար՝ հաշվի առնելով դասընթացների և իրականության միջև առկա բացը մարտի դաշտում», - ասված է փաստաթղթի նախագծում
Նշվում է, որ մարտական պայմաններում դասընթացների և իրականության միջև տարբերությունը կասկածի տակ է դնում ամբողջ ծրագրի արդյունավետությունը, մասնավորապես՝ Ուկրաինա վերադառնալուն պես զինվորների լրացուցիչ վերապատրաստում անցնելու անհրաժեշտության պատճառով։
Ըստ նշված նախագծի՝ Կիևի հիմնական պահանջներից մեկը ուսուցման տեղափոխումն է, եթե ոչ Ուկրաինայի տարածք, ապա ԵՄ սահմանամերձ շրջաններ։ Սակայն այդ գաղափարն, ըստ պարբերականի, դժվար թե ստանա ԵՄ բոլոր երկրների աջակցությունը։ Ծառայությունը նաև խորհուրդ է տալիս երկարաձգել ռազմական աջակցության առաքելությունը Ուկրաինա մինչև 2026 թվականի նոյեմբերը։
Ակնկալվում է, որ ԵՄ նախարարներն այս շաբաթ կքննարկեն առաքելության դերը ուկրաինական կողմի արձագանքների հիման վրա:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
