Վրաստանում ուսուցիչները պահանջում են վերանայել աշխատավարձային նոր քաղաքականությունը

Վրաստանի որոշ ուսուցիչների նախաձեռնող խումբն աշխատավարձի բարձրացման նոր բանաձևի խնդրով դիմել է վարչապետ Իրակլի Կոբախիձեին: Վարչապետին ուղղված նամակը ստորագրել է 69 ուսուցիչ։ Այս մասին գրում է aliq.ge-ն։

Նամակում նշվում է, որ աշխատավարձի նոր բանաձևով կարևոր քայլ է արվել հիմնական աշխատավարձի բարձրացման առումով՝ ժամավճարի ավելացմամբ ուսուցիչների ժամավճարը բարձրացել է, ինչը ողջունելի է: Նշվում է, սակայն, աշխատավարձի բարձրացմանը զուգահեռ ստեղծվել են մի շարք խնդիրներ, այդ թվում՝ ինչպես աշխատավարձերի բարձրացման, այնպես էլ ուսուցիչների որակավորման ու ձեռքբերումների արժեզրկման առումով:

Ուսուցիչների խումբը կարծում է, որ աշխատավարձի բանաձևի կազմման մեջ ներգրավված անձինք ինչ-ինչ պատճառներով չեն կարողացել հաշվի առնել վրացական դպրոցների առանձնահատկություններն ու անհատական կարիքները։

Ուսուցիչների նախաձեռնող խումբը վարչապետին խնդրել է դպրոցական համայնքի լայն ներգրավվածությամբ վերանայել գործող կարգը և մշակել աշխատավարձային նոր քաղաքականություն, որը կապահովի բոլոր ուսուցիչների աշխատանքային իրավունքների պաշտպանությունը, ձեռք բերված մանկավարժական որակավորումների պատշաճ գնահատումը, ավագի, առաջնորդի և մենթորի կարգավիճակը պատշաճ կերպով գնահատելու և սխեմայի հավելավճարը վերականգնելու համար, որը կապված չէ ժամավճարի հետ: