Մոսկվան համարժեք պատասխան կտա ԱՄՆ-ին. Զախարովա
Բլոգոսֆերա
Մոսկվան համարժեք պատասխան կտա, եթե ԱՄՆ-ը փակի ռուսական վիզաների կենտրոնները և դիվանագետներին զրկի հարկային արտոնություններից։ Այդ մասին ՏԱՍՍ-ին տված հարցազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Եթե նման միջոցներ ձեռնարկվեն, ռուսական կողմը համարժեք պատասխան կտա»,- ասել է Զախարովան։
Ինչպես հայտնել ենք, Վաշինգտոնը փակում է ԱՄՆ-ում Ռուսաստանի Դաշնության վիզաների կենտրոնի երկու մասնաճյուղերը և ռուս դիվանագետներին զրկում երկրում հարկեր չվճարելու հնարավորությունից։
«Մեր դեմ ամեն օր հարձակումներ են կատարվում, իսկ այսօր ամերիկացիները մեզ ծանուցում ուղարկեցին, որ վիզաների կենտրոնը փակվում է, և այժմ լրացուցիչ բեռ է ընկնում ռուս դիվանագետների ու հյուպատոսների ուսերին»,-ասել է Վաշինգտոնում ՌԴ դեսպան Անատոլի Անտոնովը։
Դեսպանն ընդգծել է, որ ամերիկացիները «փորձում են կոտրել» Ռուսաստանին և «ստիպել դիվանագետներին թաքնվել դեսպանատան պատերի հետևում», բայց «դա տեղի չի ունենա»։
Ամենադիտված 
Մնաս բարյավ. Րաֆֆի Հովհաննիսյան
