Հայոց Ցեղասպանության վերաբերյալ թուրքական առաջարկը վրդովեցրել է կուսակցություններին և հասարակությանը

Դեկտեմբերի 4-ին Կոպենհագենում լույս է տեսել Դանիական Berlinske օրաթերթի թղթակից Սիմոն Բենտսենի (Simon Bentsen) հոդվածը, որը դարձել է Դանիայի հասարակակական-քաղաքական շրջանակների կողմից ամենաքննարկվող թեման։ Դրա շուրջ քննարկումներ ծավալվեցին դանիական լրատվական պարբերականներում, Էլեկտրոնային լրատվամիջոցներում, ռադիում և հեռուստատեսությունում:

Հոդվածում լրագրողը ներկայացրել էր «Հայոց ցեղասպանությունը և սկանդինավյան արձագանքը» խորագրով ժամանակավոր ցուցադրության բացման ընթացքում հնչեցրած , Դանիայում Թուրքիայի դեսպանության կողմից Կոպենհագենի Թագավորական գրադարանի ստացված առաջարկը ' անցկացնելու ցուցադրություն «այսպես կոչված Հայոց ցեղասպանությունը» անվանումով:

Հոդվածում մեջբերված են «Ժողովրդական կուսակցության» արտաքին հարցերով խոսնակ Սորեն Էսպերսենի կարծիքը, ըստ որի, դա նույնն է, ինչ նեոնացիստները կկազմակերպեն ցուցահանդես Հոլոքոստի մասին:

Դանիացի նշանավոր պատմաբան, ցեղասպանագետ Մաթիաս Բյոնելունդը նյութում ակնարկել է, որ եթե թույլատրվի Թուրքիայի Դեսպանության նախաձեռնությունը, Կոպենհագենի Թագավորական գրադարանը, որպես գիտական հաստատություն
հավասարեցնում է պատմության մեջ այդ երկու երկրների դիրքը: Հայոց ցեղասպանությունը իրականություն է, և դրա ցանկացած այլ մեկնաբանություն գիտական չէ:

Հոդվածում մեջբերված է նաև Դանիայում ՀՀ դեսպան Հրաչյա Աղաջանյանի խոսքը, որեղ նա հույս է հայտնվում, որ Կոպենհագենի Թագավորական գրադարանը տեղի չի տա Թուրքիայի դեսպանության հնարավոր ճնշումներին և չի կազմակերպի նման անվանումով որևէ միջոցառում:

Ըստ մամուլի հրապարակումների, Դանիայի խոշորագույն ընդիմադիր Venstre (ազատական) կուսակցությունը պահանջել է երկրի Մշակույթի նախարարից թույլ չտալ Կոպենհագենի Թագավորական Գրադարանում անցկացնել նման միջոցառում' Թուրքիայի դեսպանության կողմից: