Ինձ համար մեծ պատիվ է ձեզնից հետո դառնալ գլխավոր քարտուղար. Ռյուտեն՝ Ստոլտենբերգին
Նիդեռլանդների նախկին վարչապետ Մարկ Ռյուտեն, ով դարձել է ՆԱՏՕ-ի 14-րդ գլխավոր քարտուղարը, հայտարարել է, որ իր համար մեծ պատիվ է՝ փոխարինել Յենս Ստոլտենբերգին, գրում են միջազգային ԶԼՄ-ները։
«Ձեր շնորհիվ՝ ՆԱՏՕ-ն դարձել է ավելի մեծ, ավելի ուժեղ, ավելի միասնական, քան երբևէ։ Ինձ համար մեծ պատիվ է ձեզնից հետո դառնալ գլխավոր քարտուղար», - ասել է Ռյուտեն՝ դիմելով ՆԱՏՕ-ի գլխավոր քարտուղար Յենս Ստոլտենբերգին:
Վերջինս իր հերթին ասել է, որ հեռանում է այս պաշտոնից խառը զգացմունքներով, բայց վստահ է, որ Ռյուտեն «հրաշալի գլխավոր քարտուղար» կլինի։
«Նա գիտի, թե ինչպես հասնել փոխզիջումների և կոնսենսուսի։ Այս հատկությունները բարձր են գնահատվում ՆԱՏՕ-ում։ Ինձ համար այժմ ավելի հեշտ է լքել Դաշինքը», - ասել է Ստոլտենբերգը: