Բայդենն իրեն մոռացված է զգում. NBC News
ԱՄՆ
ԱՄՆ նախագահ Ջո Բայդենը դժգոհել է, որ ընտրություններում իր թեկնածությունը հանելուց հետո փոխնախագահ Քամալա Հարիսը և Դեմոկրատական կուսակցությունը մոռացել են իրեն և չեն հիշատակում ելույթներում, հայտնում է NBC News-ը։
Բայդենը նշել է, որ փոխնախագահ Քամալա Հարիսը, ով իր տեղը զբաղեցրել է Դեմոկրատական կուսակցության նախագահական ընտրություններում, վերջերս չի հիշատակել իր նախընտրական ելույթներում, այդ թվում, երբ նա խոսում է տնտեսության մասին, որը Բայդենը կարծում է, որ իր քաղաքականությունը դրական հետագիծ է թողել»,- ասվում է նյութում։
Միևնույն ժամանակ, նախագահին, ըստ աղբյուրների, հատկապես վիրավորել է «Ես հաստատ Ջո Բայդենը չեմ» արտահայտությունը, որը Հարիսն ասել է բանավեճի ժամանակ՝ ի պատասխան հանրապետական թեկնածու Դոնալդ Թրամփի հարձակման, որ Բայդենի և Հարիսի տնտեսական քաղաքակաությունը ոչնչով չեն տարբերվում:
Բայդենը զգում է, որ իր անունն ու ձեռքբերումները գործնականում անհետացել են հանրային խոսակցություններից՝ վերընտրվելու մրցապայքարից դուրս գալուց հետո, և հեշտությամբ մոռացվել է Դեմոկրատական կուսակցության կողմից, որի անդամն է նա տասնամյակներ շարունակ, ասում են աղբյուրները:
Ամենադիտված 
ՀՀ ՊՆ–ն հայտարարություն է տարածել
